運房局局長炳炳出街，人人見到佢即刻掉頭走，炳炳大惑不解，就捉住個市民問吓究竟所謂何事。

炳炳︰依家彭順、彭發喺我隔籬咩？

市民︰唔係吖。

炳炳︰既然唔係「見鬼」，做咩人人見到我就走呢？

市民︰呢個年頭仲邊有人驚鬼，個個都係死窮鬼，殊途同鬼點會怕？

炳炳︰唔通因為我唔係窮鬼，所以全部人都驚咗我？

市民︰我問你，你見到IS走唔走？

炳炳︰梗係走！但我又唔係恐怖分子……

市民︰你出晒口術「恐嚇」話高鐵爛尾會蝕入肉，成個「恐怖分子」咁款，人人都實行Plan B喇！

炳炳︰我咪話咗無Plan B，何來又嚟Plan B？

市民︰B for beat，高鐵大騙局，人人行開擸武器……你懂的。

第一手消息請下載on.cc東網iPhone/iPad/Android/Windows Phone Apps