政壇：D姐偕女伴 參觀長者屋
房屋協會首個非資助富貴長者屋北角丹拿山「雋悅」，尋日起以現樓形式公開接受六十歲或以上香港居民申請租住，吸引一啲符合資格嘅人士參觀，連久未露面嘅公務員事務局前局長俞宗怡（D姐）早上亦有到場參觀。
退出官場後久未露面嘅俞宗怡尋日亦有參觀「雋悅」。
尋日朝早大約十點半鐘，D姐同兩名女伴一齊到場參觀，佢哋停留咗大約兩個半小時，其後D姐先行離開，對於我哋嘅提問，佢都唔肯回答。「雋悅」係房協新推出嘅概念式住宅，設有診所、會所以及居家護理支援等服務，對象亦都係長者，D姐究竟係陪朋友睇樓吖，定係佢自己有心了解吓呢？
