馬拉松運動極度考驗人嘅毅力，香港有好多馬拉松愛好者，樂於挑戰長距離跑步。恒生銀行傳訊及可持續發展總監張樹槐（水哥）就係其中一個，上個禮拜佢又完成咗深圳國際馬拉松賽。唔講唔知，原來過去十五年，佢參加嘅馬拉松賽事同自己練跑嘅總和，已經超過三千公里。

三千公里等於咩？超過香港至俄羅斯海參崴嘅飛行距離囉，即使用一個普通馬拉松賽事計，水哥都足足跑咗七十幾個呀，取得呢個成績，佢都好開心，所以約埋班跑友同啟蒙導師一齊慶祝吓，大家嘅話題係跑步，或者下一個跑步嘅目標已經杯盞碰撞中誕生咗。

第一手消息請下載on.cc東網iPhone/iPad/Android/Windows Phone Apps