匪夷所思 全家驚餐飽
【本報訊】 「畀着你無啦啦屙條膠管出嚟，你話驚唔驚？」黃伯大便排出膠喉，全家受驚。女兒黃小姐對院方輕描淡寫的回覆仍感不滿，同時認為院方的答案不合理，「如果我阿爸一早知會屙條膠管出嚟，佢就若無其事啦，點會覺得咁有問題！」並稱院方回應「都係一面之詞，佢講乜都得啦」，認為「醫院好似覺得係一件小事，但對病人嚟講係一件大事」，將心比己，「如果你係呢件事嘅主角你又驚唔驚？」
黃小姐指父親從未做過手術，今次膽管內窺鏡手術是他的「第一次」，不料大驚一場，而他在發現排出膠管後甚為驚慌，自己亦替爸爸擔心，更感匪夷所思，一度以為是手術出問題，恐發生類似早前有醫生在術後遺留紗布在病人體內的事故，「唔通自己食條膠管落肚咩！」黃小姐續稱，爸爸年紀大，即使經記者口中得知排出膠管是術後可能發生的情況，但仍感「唔開心」，她亦為父親感心痛，直言對廣華醫院失信心，她亦覺得要公開事件讓大眾知悉，現階段只希望爸爸身體健康。
病人政策連線發言人曾建平指，今次個案明顯是醫患溝通不足，「病人唔係醫生，唔會識晒所有嘢；即使醫生講咗，有無問番病人明唔明」。他希望病人的知情權獲充分尊重及保障。曾又說不少投訴源於醫患溝通不足，只要醫生在病人接受治療前，將治療解釋清楚，凡事多說一、兩句，便不會有這些誤會，「醫生以為簡單、小事，病人唔知就係唔知，今次個案就無辜嚇餐死」。關注病人權益的社區組織協會幹事彭鴻昌稱，醫生應站於病人立場反觀事件。
