政壇：陳克勤晒舊照 話似城城
二十多年前嘅舊相曝光，勾起大家唔少回憶！立法會議員陳克勤喺社交網站，上載一張九二至九三年度嘅學生獎勵計劃舊照，自言當年已對鏡頭好有觸覺，又提及喺佢身旁嘅黨友、中西區區議員陳學鋒，形容對方當年「好瘦」，有黨友仲留言話差啲認唔出陳學鋒。
陳克勤（後排右二）自言，當年已經對鏡頭很有觸覺，旁邊為陳學鋒（後排中）。（互聯網圖片）
陳克勤（右）同陳學鋒上月底齊出席黨內活動。 （資料圖片）
陳克勤接受查詢時話，呢張舊照係源於漢華中學七十周年翻查舊資料後才曝光，並指原來依家立法會有四名「漢華人」，除咗佢，仲有兩名黨友葉國謙同梁志祥，同埋旅遊界議員姚思榮。對於有網民留言指當年似歌星黃凱芹，陳笑言當年髮型較似另一歌星郭富城，另一名舊相主角陳學鋒亦應黨友同網民追問，講及自己喺舊相中嘅位置，自言「梗係傍住克勤議員」。
