訪港旅客人數下跌，唔少零售業界都話經營困難，仲擔心年尾可能有結業潮添。兼營海味生意嘅陳爽出席一個活動時，就話佢哋店舖生意唔受影響，至今生意好好，又多謝各方支持。

零售業近期表現不佳，但陳爽話佢嘅海味店生意仲好好。

生意唔憂嘅陳爽近排仲剪咗個冬菇頭，佢話好耐都未試過新髮型嘞，今次剪咗頭髮之後，好似同囝囝做孖公仔咁。

嚟緊就嚟聖誕，佢哋一家人將會去新加坡旅行，陳爽仲話，囝囝每次出門都好開心，唔知係咪好鍾意坐飛機，所以，做父母嘅都希望帶囝囝出外旅遊見識多啲。

第一手消息請下載on.cc東網iPhone/iPad/Android/Windows Phone Apps