政壇：雷軍賣床褥 「不務正業」
內地手機品牌小米近排好多新花臣，唔係佢哋出咗乜新機，而係小米嘅業務愈搞愈跨行業，繼汽車、膠樽及行李篋之後，最近，小米董事長雷軍旗下嘅投資公司又入股咗間床褥公司，所以小眾籌平台都有「8H乳膠床墊」可供「預售」。
雷軍由小米手機起家，家吓愈賣愈多嘢，被人質疑不務正業。 （資料圖片）
一聽小米搞床褥，好多人或者以為呢張床褥肯定唔嘢小，最少都係智能嗰隻，不過，讓你失望啦，事關呢張真係一般乳膠床褥，只係佢嘅宣傳有啲騎呢，叫「安放你的青春」，諗到咩？大家自己發揮想像力嘞。
小米從手機起步，但近年就一再被人話「不務正業」，只要睇吓佢哋官網，棒球褸、豬仔錢罌、膠水樽、行李篋應有盡有，雷軍究竟要撈幾多瓣？
