城中鏡：任選美評判 何倍倩重氣質

現代職場女性不乏美麗與智慧兼備嘅叻女，創辦國際護膚品牌、「恒生新抱」Anina何倍倩同福建幫頭領楊孫西新抱Fiona莊菲娜就係好樣辦。香港珠寶製造業廠商會早前舉行周年晚宴暨香港珠寶小姐選舉，Fiona爽快贊助，仲推薦Anina做選美評判，兩姐妹孖住出席派對開心到極。Anina笑言，首次做選美評判，竟然感到有些少緊張，佢話參賽者外表固然重要，但氣質更加重要，如果有靚女一開口講嘢，但畀人感覺好粗魯，一定減晒分嘞！