政壇：至叻星：網售食物須攞牌 高永文補鑊

繼爆發網購台灣洪瑞珍三文治引致食物中毒嘅風波後，再接連揭發連串網購食物安全問題，暴露本港監管網購食物法例不足。所以食物及衞生局計劃明年首季推新措施，向領有食物業牌照或許可證處所施加新條件，要求佢哋如果網上銷售食物，須喺網站同宣傳品標示牌照號碼同地址畀消費者查證，並增設一套新許可證畀冇實體店、仲喺網上銷售限制出售食物嘅經營者申請，以加強監管。食衞局局長高永文呢招擺明係補漏，但總算遲到好過冇到，希望局長盡快執行有關政策，唔好拖得就拖。