政壇：傾保護動物立會險流會

立法會尋日繼續舉行大會，通過加強打擊走私野生動物罪行嘅無約束力議案，人民力量「大舊」陳偉業喺會上多次要求點算法定人數，期間一度險些令會議流會。好彩最後有驚無險啫！

立法會議員葛珮帆話，近年唔少商人利用香港法律漏洞偷運野生動物產品，令本港變成「野生動物走私中心」，聯合國已將香港列為走私象牙嘅關注地，每年因象牙走私活動而被非法獵殺嘅非洲大象超過三萬三千噸，促請港府加強打擊走私象牙、犀牛角、花膠同魚翅活動。

署理環境局局長陸恭蕙回應話，香港有法例打擊相關走私罪行，強調現行保護瀕危動物規管法規較國際公約更嚴格，港府會以風險管理同新標記系統進行抽查，防止黑巿交易。