粉嶺：雜草佔行人路修剪求其
聶女士居住粉嶺塘坑村多年，指近月鄉村往九龍坑方向的行人路雜草過長，遮蓋部分路面，「晚晚都有人喺度散步，依家成條行人路都畀啲草遮晒，仲伸埋出單車徑，打1823報咗畀政府知，但成個月都冇人理。」聶擔心有蛇蟲躲藏於草叢，要求部門盡快除草，保障市民安全。
雜草幾乎完全遮蓋行人路，市民擔心有蛇匿藏。（讀者提供）
土木工程拓展署發言人表示，該署正在該處興建單車徑，並於十月接獲有市民投訴該處野草過長。該署亦於十一月上旬安排承建商清除單車徑周邊的野草。及後，該署又接獲反映，期望再修剪單車徑旁行人路的雜草，隨即安排承建商跟進，修剪工作於十一月底完成。
「做啲唔做啲，佢哋整單車徑就只係剪咗啲影響單車徑嘅草，行人路嗰啲又唔理，點會咁做嘢o架！」聶批評部門處事官僚，要求檢討並作出改善。
