「扶手電梯每個月都要壞一次，壞咗又有排都冇人嚟整，叫我哋點做生意！搞到平時幫襯開嘅老人家都要行樓梯，如果佢哋跌親邊個負責？」牛池灣熟食中心檔戶林先生指出，該處扶手電梯經常無故停止運作，疑與機件損耗有關，要求食物環境衞生署盡快檢查維修。

牛池灣熟食中心扶手電梯經常因故障停止運作。（讀者提供）

食環署發言人表示於上月接獲機電工程署通知，指承辦商於例行檢查期間，發現扶手電梯的扶手帶有微細裂痕，因此該扶手電梯需暫停使用，以進行更換工程。發言人指，工程已於翌日完成，扶手電梯經測試後已恢復正常運作，強調會繼續留意上址情況。

林先生證實扶手電梯已於近日完成維修，「呢個熟食中心樣樣嘢都成日壞，希望食環署體諒吓我哋啲小商戶，做好啲管理，咁我哋先做到生意！」