環保意識係要由細個培養，花旗環球個人銀行服務客戶管理主管Priscilla吳詩雅就好有計，佢囡囡依家雖然只得四歲，都已經教定佢做個環保公民。聽講Priscilla已經教囡囡將用過嘅紙背面用嚟畫畫，雖然咁細個未必完全明白點解要咁樣做，但都好自動自覺拎廢紙嘅背面嚟用。

吳詩雅話囡囡雖然只得四歲，但已經係一名小小環保公民。

查實人類都幾浪費用紙，每日超過七萬五千個足球場面積嘅森林被砍伐，而本地銀行月結單嘅耗紙量亦非常驚人，再咁落去唔係辦法，所以花旗就鼓勵市民轉用網上月結單，如果唔係呢，就要收郵寄月結單費用。為咗啲樹亦為咗自己個荷包，諗諗佢啦，人哋四歲已經識嘞！

第一手消息請下載on.cc東網iPhone/iPad/Android/Windows Phone Apps