SUN搞作：SUN官場現形記：走唔切
香江多亂，人心思變，移民潮一觸即發，呢日記者請到財爺鬍鬚曾上嚟接受訪問，問吓佢對呢件事有乜睇法。
記 者︰市民心灰，爭相外逃，財爺你點睇？
鬍鬚曾︰梗係用眼睇，唔係可以點睇？
記 者︰……我意思係你有乜嘢睇法，例如會唔會係樓價太高，所以人人爭住走？
鬍鬚曾︰房屋問題，你可以問運房局局長炳炳。
記 者︰咁唔講房屋，食不安心都係熱門話題。
鬍鬚曾︰食物安全，你可以問食衞局局長Dr.高。
記 者︰咁財爺，我有咩問題係可以搵你呢？
鬍鬚曾︰呢層簡單，當你無問題就可以嚟搵我。
記 者︰@##$$%%^^
