政壇：趙燕成日笑 駐顏有秘訣
華熙生物科技專生產透明質酸，聽講佢哋主席趙燕（趙總）都用咗自家產品十年。嗱，趙總好少公開露面，啱啱十一月見過佢，但上一次已經係○八年上市時。啲產品點？睇過先……
今年十一月
○八年時
趙總話用咗透明質酸十年，但只係外敷，無打入皮膚底層。佢本身讀生物，之後做生意時接觸到研究團隊先開始用。佢又話自己皮膚好易敏感，所以好怕去美容院。不過有樣新嘢令佢踏出第一步去醫學美容院做，就係佢最近試咗隻新Facial叫水光針，係用細針開窿，再注入美容產品，佢試咗兩次，話南韓Hit咗好耐。
啲酸同啲針咁深奧，有冇啲簡單啲嘅？有。趙總仲有個保持靚靚秘訣，就係成日笑。佢仲話好鍾意自己做緊呢一行，因為可以令人變得更靚，「比賺多少錢更開心」咁話。
連華熙CEO金雪坤金總都話，美容業唔似賭業咁，分贏輸總有一方唔開心喎。
