SUN搞作：SUN官場現形記：信唔過
在擠迫嘅車廂入面，市民發現運房局局長與自己一樣做緊「沙甸魚」，逼到有氣冇碇抖，既然淪為同路人，市民與炳炳傾起上嚟。
市民：局長，你都喺度呀，呢段時間好多人，好逼㗎。
炳炳：忍耐吓啦，西鐵遲啲加多卡列車，到時會冇咁逼。
市民：唓，有排啦！依家逼緊夠死啦！
炳炳：聽到惠民措施都仲唔開心？
市民：唔係，只不過係港鐵成日延誤，上次仲裂軌，事故多籮籮，幾多着數都冇用啦！
炳炳：……人哋會愈做愈好嘅，信佢啦。
市民：就係信錯佢，我同你先喺度逼緊……
廣播：由於前面月台列車尚未開，本班列車將稍為延遲，敬請原諒。
