政壇：許Sir西九警區做指揮官

其實許Sir去年四月接棒做這職位，至今未夠兩年，但由於史無前例的佔領行動發生，許Sir打破連踩五十一日無放假的紀錄，上頭體諒佢太辛苦，所以安排他去環頭「抖吓」。

話時話，除了許Sir，佢嘅好拍檔PPRB靚女高級警司關翠貞亦會調走，Madam關去年在佔領行動做公關智囊，佢同十四位Madam、阿Sir齊齊升任總警司。當中包括同樣曾駐守PPRB嘅靚女高級警司曾艷霜，佢曾偵破轟動一時嘅長洲「新三狼案」，○四年曾借調到法國國際刑警，可謂美貌與智慧並重。

另外五人升助理處長，包括去年佔領行動期間「孭重飛」嘅西九龍總區副指揮官余達松、東區指揮官鄭耀武、水警總區指揮官何德承、港島總區副指揮官卓孝業。而被派到英國國防學院深造嘅林曉彤是唯一升任助理處長的Madam，現任助理處長李建輝則升任高級助理處長。