莎莎國際太子女郭詩慧尋日同名人好友王嘉恩一齊出席童軍活動，郭詩慧仲帶埋囝囝一齊嚟添，而喺儀式進行時，囝囝就由傭人照顧。郭詩慧透露已做咗女童軍五年，曾到過南區送暖，同埋籌劃嘉年華等慈善活動，而佢亦打算將來讓兒子加入童軍。談到即將來臨嘅聖誕節會點樣慶祝？佢話依家未有周詳嘅計劃，但應該會出埠旅遊度佳節。

王嘉恩（左）講笑話畀郭詩慧「踢入會」。

至於王嘉恩就笑言遭對方「踢入會」，佢笑說：「多謝佢帶我入嚟童軍呢個家庭。」而同樣擔任童軍五年嘅佢透露，期間有參與教導老人家跳舞等活動，認為好有意義呢！

第一手消息請下載on.cc東網iPhone/iPad/Android/Windows Phone Apps