政壇：任凡爾賽宮大使郎朗音樂傳愛
國際著名鋼琴家郎朗日前被委任為法國凡爾賽宮大使，喺法國時間十一月二十日成為全球歷史上首位凡爾賽宮形象大使。郎朗前日喺微博話自從一二年第一次喺凡爾賽宮演出，時至今年喺嗰度錄製新專輯，再到現在成為歷史上首位凡爾賽宮形象大使，感覺同凡爾賽宮嘅緣分十分神奇。
郎朗（互聯網圖片）
郎朗早前分別喺法國馬賽、波爾多等多個城市表演完畢，對於早前法國巴黎發生恐襲事件，佢深深感受到籠罩喺人們心中嘅憤怒同哀傷，喺呢個非常時期去到巴黎，希望可以用音樂慰藉當地人民心靈，希望將喺馬賽同波爾多嘅音樂會獻畀巴黎恐襲事件中嘅死難者，透過自己嘅音樂，為死難者哀悼，給在生者鼓勵。郎朗又認為「音樂可以將人們的心聯繫在一起」，「無論哪個國家發生這樣的事情，都需要大家的關心和愛」。
