政壇：陳嘉華製參選橫額自玩

有「最年輕公職王」之稱嘅90後、豪華飲食集團董事總經理Jeffrey陳嘉華，幾年前曾經講過話想參選區議會，但今次區議會選舉仍未見佢出戰，不過佢就改圖自製參選橫額自娛。Jeffrey尋日喺社交網上載咗一張寫上「2015巨議會選舉候選人」、「必勝服務，離地更好」等標語嘅惡搞九龍城區參選橫額，隨即吸引唔少朋友及網民讚好同留言，讚佢「有創意」、又問佢點整等。對於網民嘅支持，Jeffrey回應話自己由一一年開始已講咗會備戰今屆區議會，可惜困難重重，最終仍未能披甲上陣，有負大家對佢嘅支持，非常抱歉喎。