【本報訊】 結婚不久飛來橫禍，夫妻甜蜜生活成追憶。Ivan生前熱愛揸電單車，其妻Venice亦志趣相投，兩人曾一起在家玩賽車遊戲，亦不時隨夫遊車河，並有專屬頭盔。夫妻亦不時在家「煮飯仔」，非常恩愛。昨晨八時許，Venice於fb上載一張與丈夫的牽手合照，並寫上「永遠和你在一起（Forever with you）」字句，豈料約一小時後Ivan便出事喪生。一眾好友昨紛紛在Venice的fb留言為她打氣：「Ivan仔一生最大嘅福氣就係遇到你，加油！」記者致電予Venice，她表示：「多謝關心，暫時唔使幫手，唔想多講。」

勞妻出事前在fb張貼的恩愛相。（互聯網圖片）

受傷車友：睇唔到點撞

在車禍中背部受傷的姓林車友受訪時稱：「傷勢無大礙，好小事啫！」他憶述事發一刻時仍猶有餘悸，當時他尾隨Ivan及另一名車友：「我個角度睇唔到佢點撞。之後有第二個撞到我架車，其實當時我好亂，都唔知發生咩事。」他坦言：「出咗事有好多嘢要面對，唔想再參與討論呢件事。」至於事發時與Ivan同行的姓楊電單車友表示，在車友聚集的場所認識Ivan，他已有數年駕駛強勁馬力電單車的經驗，坦言：「佢車速唔算快，又好識自制。」由於他無目擊意外一刻，故不知他為何出事。

第一手消息請下載on.cc東網iPhone/iPad/Android/Windows Phone Apps