深水埗區議會主席郭振華早前宣布因為聲帶同身體structure（結構）出問題，決定放棄競逐連任區議員。不過，郭振華退下區會火線，但冇退任香港工業總會副主席，日前仲以連任副主席身份露面，狀態大勇不時幫手答問題，唔通佢身體structure其實唔係咁差？定係厚此薄彼重視業界多啲呢？

郭振華

郭振華話，自九一年加入深水埗區議會至今已二十幾年，主席都做埋，應可因為身體關係「停一停」；但佢同時自言身體問題唔影響工總崗位，而且加入工總咁多年，唔可以話走就走喎。郭振華離唔開工總，但區議會就話退就退，佢承認過去主持區議會會議的確幾勞氣，可能因為咁傷身又傷聲帶。至於明年立法會選舉部署，郭振華表明無意更上一層樓喇。

第一手消息請下載on.cc東網iPhone/iPad/Android/Windows Phone Apps