一位小朋友走到環境局局長星星前，低頭呢喃。星星不明所以，開口詢問，點知小朋友竟向星星連番致歉。

小朋友︰對唔住呀！我知錯喇！

星　星︰小朋友，點解要同我講對唔住？

小朋友︰我一直以為你同大嘥鬼係好兄弟，原來唔係嘅……

星　星︰我好感動，終於都有人明白我喇！

小朋友︰我亦都知道咗人不可以貌相。

星　星︰成日都畀人混淆咗我同大嘥鬼，真係好慘。

小朋友︰放心，我以後會叫番你做鬍鬚曾細佬。

星　星︰吓，點解？

小朋友︰你轄下環保署誇大都市固體廢物量，又用假設數據令三個堆填區變相「減壽」，一味靠嚇，同鬍鬚曾嘅「狼來了」一樣，你兩個仲唔係兄弟咩？

第一手消息請下載on.cc東網iPhone/iPad/Android/Windows Phone Apps