為鍛煉潛水救援技術，燒房決定派員赴菲受訓，但就被質疑「水清訓練點能夠喺水濁環境搶救」，呢日處長軒軒就作出回應。
（資料圖片）
李衞︰捨港取菲，你話我聽點解？
軒軒︰土地問題囉。
李衞︰練潛水救援又關土地事？
軒軒︰唏，唔夠地要填海，適合訓練嘅海域咪無晒囉。
李衞︰但水清又練到啲咩？
軒軒︰當然係練到喺水清嘅地方救人。
李衞︰但納稅人啲錢……
軒軒︰橫眉冷對千夫指，我一向深信清者自清。
李衞︰所以你咪濁者自濁，難怪畀人話清濁不分！
