SUN揭秘：太陽蛋阿姐 煎出懷舊情
煎一隻蛋要兩分鐘，煎八隻要幾多分鐘？兩分鐘？答案是十六分鐘！最近網絡上瘋傳的一道小菜，原來製作過程絕對「唔hea」，簡單一隻太陽蛋便考起師傅功架。老師傅拿起鐵鑊，在熊熊火光中，再現香港懷舊風味。文：黃翠儀 / 攝：林健斌
牌檔老闆細妹姐捧着的太陽蛋，就是餐牌主角真身。
餐牌上的一道小菜，掀起網民熱話。
有「鑊氣」的流心太陽蛋，配上豉油，是不少人滋味回憶。
大牌檔只經營晚市，夜色愈深，食客愈多。
早前網民熱烈討論的「特價小菜」餐牌，一道價值五十六元的「香煎太陽蛋（八隻）」，看似隨意寫下，有人質疑食肆敷衍客人，亦有人認為值得一試，餐廳位於元朗廣場巴士站旁冬菇亭牌檔，追查太陽蛋身世─原來小菜已躋身餐牌之列一年有多，上榜原因竟源於食客的一個誤會。
被質疑定價高 老闆呼冤
「其實平時伙記都鍾意煎太陽蛋當消夜食，一煎煎六隻，啱晒送飯。年幾前有客人見到，以為係小菜，又叫埋一份。既然有人想食，咁咪寫落去餐牌囉，多個選擇啫。」老闆細妹姐十多年前投得牌檔經營，主要賣盆菜和晚飯小菜，一直隨意加添菜式，想不到會引起網民熱話，「不時有後生仔會嚟食，話要睇吓呢幾隻蛋有幾巴閉！」
面對網民質疑八隻太陽蛋定價太高，細妹姐呼冤：「雞蛋成本雖然不高，但係人工貴！」八隻蛋要逐隻落鑊分開煎，大火慢煎，務求做到蛋白焦脆外，為求保留半生熟糖心蛋黃有流心效果，臨起鑊會將熱油淋上面，既有荷包蛋效果，又保留太陽蛋特色。雖然並非特別的菜式，但單單「鑊氣」二字已甚具叫座力。工序簡單，但工夫不少，細妹姐感嘆太陽蛋較一般炒蛋、滑蛋更費心思，但一般人卻未必懂得欣賞。
細妹姐坦言，若想點這道菜，謹記要看準時機。大牌檔只經營晚市，晚上六時開檔，「好多時旺場嘅時候，客人叫到我哋都做唔到，因為嚟牌檔啲人客，都係要即刻上菜，點得閒用十幾分鐘慢慢煎蛋！」原來要一嘗箇中奧妙，也要講究緣分。
