政壇：葉劉甩轆 嗌「處決」大舊

人事編制小組委員會昨開會，續議運輸及房屋局轄下成立嘅機場擴建工程統籌辦公室嘅三個職位開設申請，再遇「拉布」議員阻撓。大舊約喺九時提出終止待續議案，兼提出十一項議案。表決議案時，葉劉本來想宣布陳偉業提出嘅議案被否決處理，卻誤講為「陳偉業被處決」，引來在場議員嘩然。

社民連「長毛」梁國雄隨即喺發言時大做文章，稱「葉太你唔好處決我呀」；大舊都笑稱自己係「政壇鐵漢，頂得住」喎。葉劉隨即為誤將「處理」講成「處決」道歉。喺「拉布」議員嘅阻撓下，會議延長十五分鐘，最後以二十三票贊成，五票反對，順利通過機場三跑工程嘅三個職位開設申請。