城中鏡：陳松伶忙搞內衣生意 造人順其自然
「美容教主」鄭明明尋日出席自家內衣品牌開幕典禮，鄭明明透露同契女陳松伶合資七位數字創立品牌，仲大讚契女事事親力親為，希望喺香港打穩根基後就進軍上海同北京市場。問有冇見孫仔？佢好開心咁話每星期都有見面，又話希望可以有一個孫女。
鄭明明（左）夥陳松伶合資創品牌大展拳腳。
陳松伶就話內衣同健康息息相關：「內衣唔係一件可恥同猥瑣嘅事，着啱嘅內衣係可以改善體形，唔會壓抑到乳腺同淋巴。」佢又話依家主力留港經營內衣生意，所以對內地藝人兼老公張鐸大感虧欠：「少見咗好多，佢精神同金錢上都好支持我，一段健康婚姻點可以三個月唔見，所以我一有時間都會返去探佢。」佢仲透露春節將會陪老公返老家度歲作補償，至於造人計劃就順其自然嘞！
