城中鏡：沈慧林預告澳門開班 教裝嵌陀飛輪
「港產陀飛輪」萬希泉創辦人沈慧林現身澳門出席品牌專門店開幕活動時話，由於係首間喺澳門嘅專門店，所以將會搵澳門嘅設計師合作，設計富澳門當地文化特色嘅腕錶。佢話：「我哋下一步打算開班教澳門師傅裝嵌陀飛輪，將呢個技術發揚光大。」
沈慧林打算設計富澳門當地文化特色嘅腕錶。
同場嘅模特兒莊思敏就透露一直有收藏腕錶嘅習慣，因比較保值，家中約有十隻腕錶。佢笑言：「有一隻錶係媽咪送畀我嘅，我拎去估價，發現原來嗰個品牌已經唔再出錶，所以好值錢，大概值幾十萬。」佢透露即將喺澳門出戰賽車比賽，坦言很緊張：「我上網搵賽車嘅片，十條有九條都係撞車嘅！其實我試過撞車同翻車，不過好彩個緩衝區夠，所以冇受過傷。」佢又話今次目標係完成賽事，因為有好多專業嘅車手，而且啲路好窄，都怕其他人衝埋嚟。
