碌卡畀首期買樓你聽過，但碌卡碌十三億元碌個「裸女」番嚟又點？誇？係o架，唔誇點得你睇落去。話說內地富豪劉益謙上星期喺佳士得拍賣會，用十三億港元天價買咗幅名畫《斜臥的裸女》。劉富豪一向鍾意碌AE黑卡買嘢，記得佢舊年喺蘇富比投咗隻明成化鬪彩雞缸盃，交收時抹都唔抹，就即刻用嚟飲陳年普洱，仲話無非係為咗吸口皇帝、妃子嘅仙氣！佢當時就係碌黑卡畀咗二億八千萬元，要分二十四次嚟碌，總共賺咗四億幾積分！

劉益謙上星期用咗十三億港元買咗幅名畫《斜臥的裸女》。（資料圖片）

劉益謙

若果劉富豪今次個「裸女」又係用黑卡碌番嚟嘅話，有分析員估計，佢賺到嘅積分大概可以換一千程北京──紐約嘅來回頭等機票。不過，聽講劉富豪佢今次冇碌卡，話「付款會按佳士得的說明進行」。唔通佳士得唔收卡？

第一手消息請下載on.cc東網iPhone/iPad/Android/Windows Phone Apps