喺今年初小登科「成個老襯，從此士氣大振」嘅立法會勞工界議員郭偉強，早前宣布老婆有咗，日前佢就開心話超聲波照到BB係男仔，預產期喺出年三月，到時佢乜嘢都唔理，一切以太太為先。佢又話依家每晚都會同太太肚內嘅BB傾吓偈、聽吓音樂，睇嚟佢都好陶醉初為人父嘅喜悅喎。第一胎未生，郭偉強已講定希望生夠兩個，但最終決定權在於太太，因擔心太太生育太辛苦，其實一個仔已經好滿足喇！

郭偉強

講到新手爸爸有乜要預備，郭偉強話咁啱佢有幾對中學同學夫婦都剛為人父母，大家會互相交流消息，佢最近就報咗課程，預備同太太一齊上堂。至於黨友Alice麥美娟都戥郭偉強高興，但見Alice近日清減不少，佢話只係最近落區擺街站時成日「食風」，最後搞到肚痛，唔知係咪因為咁愈來愈瘦呢？

第一手消息請下載on.cc東網iPhone/iPad/Android/Windows Phone Apps