話說泛民主派區選協調組織民主動力尋日搞咗個記者會，仲搞咗個別開生面嘅儀式去抗赤化。民主動力召集人趙家賢同十八個區代表，將代表民主動力嘅橙色噴漆噴喺一張印有紅色地圖嘅海報上（圖），但未知係咪表達方法太新穎，佢哋噴漆時竟然無打開門窗，搞到噴漆「毒氣」密布，令在場人士唔多舒服，儀式一完立即離開，莫非佢哋想用「毒氣」抗赤化？趙家賢將出戰東區區議會太古城西選區，對手為獨立候選人吳志隆。
