名模周汶錡尋日出席珠寶活動，穿上低胸晚裝裙嘅佢戴上八百萬元嘅珠寶首飾，問到係咪修咗身，上圍回復生之前？佢笑言：「都冇大過，之前係大過少少，唔好留意上圍啦，都回復番啦（身形），我依家有行山做瑜伽。生完四個月嘞，人奶都停咗。」問到聖誕節禮物係咪叫老公送成套珠寶？佢話：「唔急，慢慢嚟。」提到陳茵媺三年抱三？佢話：「佢哋好勁，好鍾意小朋友。由於我開刀就唔急得，半年後再造人，順其自然啦！」

周汶錡生完極速回復番身形。

同場仲有Jason陳智燊同未婚妻宋熙年，而宋熙年戴上七十萬元珠寶首飾，直言要好小心，又透露結婚戒指係由Jason 設計。問到婚期，佢哋話：「出年年尾，怕太趕，想喺悉尼，倫敦同香港都搞，但唔會同一年，睇下行完禮先擺酒定點，要尊重家人。」

第一手消息請下載on.cc東網iPhone/iPad/Android/Windows Phone Apps