城中鏡：邱李茂琪牛一 收啤酒蛋糕
溥儀眼鏡行政總裁邱子傑嘅太太Margaret邱李茂琪同李克勤嘅太太盧淑儀老友鬼鬼，而且兩人更係同月生日，早前Margaret提早為盧淑儀慶生，前日正日生日嘅Margaret喺屋企開生日派對，盧淑儀例牌出席。
邱李茂琪前日生日，老公邱子傑送上立體啤酒蛋糕祝賀。
邱子傑知道太太好杯中物，悉心為太太送上一個立體啤酒大蛋糕，好趣致，氹得太太笑不攏嘴，兩公婆前日更喺社交網隔空互傳愛嘅宣言，冧爆嘅Margaret話：「尋日（前日）係我生日，下個星期係我哋結婚十八周年紀念，我哋鍾意多人熱鬧，可以一次過慶祝。」
