「依家月租萬幾蚊，每月要四十萬元營業額先畀到基本開支。」敍昇茶餐廳老闆梁小姐在白田商場經營茶餐廳十多年。應付十多名員工薪金、不斷上升的食材價格，她每日工作十六小時，在店中打點一切，落手落腳才能維持茶餐廳運作。

「我鍾意食嘢，一心想開茶餐廳囉。」梁小姐形容，見到食物或別人食東西時，便覺得開心。因此多年前，為車衣女工時已儲錢開設茶餐廳。面對長期員工流失率高，七年前她開始聘用由社工介紹的非牟利團體宿舍院友或康復者。沒有領津貼的她說：「初時只係試一吓，後嚟發現佢哋好幫得手，又可以畀個自立嘅機會人哋，於是愈請愈多。」

別人以為跟情緒病康復者或長期病患者難以相處，但梁小姐倒認為跟他們一起的時間很舒服。她形容：「佢哋性格簡單，唔做作。好似近出糧日子，就會一臉期待咁問你，可唔可以早幾日出呀？每次食飯加料，佢哋就笑得特別燦爛，一開餐，一下子就食晒。見住佢哋食嘢好開心，又有動力一直做落去。」

第一手消息請下載on.cc東網iPhone/iPad/Android/Windows Phone Apps