政壇：陳榮聲日行萬步「搵水吹」
嚟緊呢個禮拜有「樂施毅行者」行山籌款，友邦香港及澳門首席執行官Jacky陳榮聲話今次都會跑番五公里，雖然只係跑參加者二十分之一嘅路程，但對於成日西裝骨骨嘅Jacky嚟講，都算係咁啦！
陳榮聲會落場跑五公里，為毅行者籌款。
Jacky好注重健康，為咗鼓勵同事追求健康生活，聽聞佢公司都專登搞咗個「Brain Spa」，放咗啲水果同小食畀大家食，聽講次次最早清光嘅就係乳酪。
仲有，原來Jacky仲日日會計住自己有無行足一萬步。唔夠數咁點算？Jacky有方法，就係佢會特登行去同事房度「搵水吹」嚟增加步數。喂，阿Jacky嘅同事們，下次見Jacky過嚟吹水，不妨問聲佢「今日仲爭幾多步啫」？
