文憑試考生大展「創意」，孟母慘淪怪獸家長；私慾就錯寫成私肉。教育局局長吳得掂見到就頭暈，即刻請教「成語大師」tree根有何解決之法。

吳得掂︰大師大師，學生中文水平咁低，點辦呢？

tree根︰唔使驚，呢個絕對唔係「燙手山薯」，擺明係啲人「明張目膽」誣衊學生水平低。

吳得掂︰此話何解？

tree根︰一睇就知通識教育幾成功，學生舉一反三，由另一角度揭示孟母係怪獸家長。

吳得掂︰大師真係一言驚醒夢中人，難怪可以位列議員，不如得閒贈啲學生兩句。

tree根︰使乜咁做？我周不時都係立會開講，多啲留意咪得囉。

吳得掂︰可能啲學生見到大師喺立會上面有咁好嘅「鍾」文，大加學習，先有咁佻脫嘅思維。

tree根︰九成都係，所以下次呢啲「雞毛鴨蒜」嘅小事就咪煩我。

第一手消息請下載on.cc東網iPhone/iPad/Android/Windows Phone Apps