政壇：毓民爆牌傷手 遭索賠80大元

據聞立會行管會喺尋日召開嘅會議上曾討論黃毓民事件，認為事態嚴重，有機會危害議員同職員安全，令佢哋受傷，會上決定去信警告其行為，並要求佢賠償損毀嘅名牌同台面，約值八十元。據知會上曾探討黃毓民行為係咪涉及普通襲擊或刑事毀壞，但由於黃嘅行為太快，陳健波同秘書處職員來不及反應同受驚嚇，加上損毀數額太細，難以控告兩罪。

另外，陳健波前日接受電台訪問，稱地方直選候選人只得兩、三萬票都有機會當選，變相助長少數激進勢力進入議會，肆意「拉布」搗亂。佢尋日澄清當時係回應主持提問，重申尊重現有制度選出的議員，希望社會集中研究將來如何令政改通過。