政壇：中出羊子博宣傳 拖泳衣女逛旺角
區議會選舉宣傳手法，可以去到幾變態？有網民發現，一名只穿三點式泳衣女，前晚同一名手持「鳳凰龍獅旗」同作奇怪打扮嘅男子，喺旺角行人專用區巡遊宣傳，期間泳衣女不時擺出各種性感姿勢，吸引唔少途人圍觀拍照。
有泳衣女喺旺角行人專用區巡遊宣傳，右為中出羊子。(互聯網圖片)
原來嗰名男子係外號「昭明公主」、已將身份證姓名改為「中出羊子」嘅油尖旺區議會櫻桃選區參選人。
佢喺社交網站聲稱，一旦成功當選，會爭取每個周末安排美女喺旺角表演，抗衡經常喺嗰度唱歌跳舞嘅「大媽」，有網民留言稱會因而投票支持佢。該區候選人仲有民主黨林浩揚同未有申報政治聯繫嘅鍾澤暉。
