政壇：航拍無王管 黃錦輝撐修例
最近航拍大行其道，早前有航拍機因操作不當而撞向台北101大樓，最近再有港人喺柬埔寨金邊航拍惹禍，令人關注以遙控方式操作嘅航拍，衍生安全同私隱問題，中大工程學院副院長黃錦輝話當局有需要修例監管航拍，尤其科技發展遠比法律快，修例有助預防意外發生。
黃錦輝建議當局修例監管航拍。
黃錦輝早前出席活動時話，現時仍未有法例規管航拍，係咪可以航拍，主要視乎地方而定，舉例指佢之前喺灣仔會展參加活動嘅時候，曾經建議航拍場內嘅情況，但係會展因為安全嘅問題，拒絕咗呢個要求。
對於航拍可能涉及嘅私隱問題，黃錦輝就話由於一般人無肖像權，即使被拍攝到，亦無權要求拍攝者刪去照片，加上無法例監管，所以喺保障個人私隱上，或存有漏洞。
