政壇：阿Dick搞政治囝囝唔like

Dick狄志遠早前退出白鴿黨成立新政黨「新思維」，話要走建制、泛民外嘅第三條路，但佢喺電台節目回顧從政歷程時自爆，原來佢個仔私下同太太講，唔鍾意爸爸「搞政治」，對此感到心痛，之不過佢希望仔女諒解同信任佢嘅決定，甚至乎可以畀個like佢喎。

佢透露喺九五年一度以冇足夠政治智慧為由急流勇退，原因之一係同家庭有關，事關佢有次帶太太同女兒出席家庭講座，喺台上呼籲家長畀多啲時間陪仔女之際，佢太太同女兒聽完後就離開，當時阿Dick見兩人孤苦伶仃，似乎老公同爸爸都冇得揀，所以就決定退下來。

被問及特首女兒梁齊昕喺萬聖節掌摑母親一事，阿Dick強調「政治還政治、家庭還家庭」，希望各方唔好落井下石。