運房局早前披露，當局向鉛水屋邨居民派發了六百多萬支樽裝水，花費高達四千萬元，「水費」開支淪無底深潭，勢由納稅人埋單，有市民搵運房局局長炳炳理論。

市民：承建商犯錯，無理由要納稅人埋單！

炳炳：邊個埋單言之尚早，不過就肯肯定要繼續派水……

市民：派水都使成四千萬，仲要派？

炳炳：以人為本嘛，市民有需要就要派o架啦！

市民：話派就派，鬼咩，啲錢唔使你出，都唔會肉赤啦！

炳炳：正所謂「潑出去的水」，難收也！

（市民將一盆凍水淋落炳炳度。）

市民：嗱，潑出去嘅水，收唔番喇。

炳炳：又唔使咁嘅，既然我哋派「水」，你肉赤，不如唔好做納稅人，咁咪咩都唔關你事囉！

第一手消息請下載on.cc東網iPhone/iPad/Android/Windows Phone Apps