香港號稱國際大都會,但針對老人、小童及殘障人士嘅輔助設施卻遠遠落後於鄰近地區。社聯行政總裁蔡海偉唔知係咪職業病,外遊時都掛住考察當地公共設施。佢發現香港好落後,好似男廁無育嬰設施、入境櫃枱無擺放老花鏡供有需要人士使用,佢擔心隨人口急劇老化,設施未達無障礙要求,會窒礙長者及有需要人士參與社區活動。

蔡海偉與小姨甥外遊時,順道考察各地無障礙設施。(受訪者提供圖片)

蔡海偉話,外遊時發現日本中部機場嘅男廁有貼心安排,每個座廁傍都裝有扶手,而機場半數男廁格內裝有嬰兒架,助「帶子洪郎」如廁,呢啲都係香港欠奉。佢又發現日本機場嘅入境櫃枱放有三款不同深度的老花鏡,方便有需要人士填寫表格時使用,好體貼,但本港出入境櫃枱就無嘞。

常帶七歲小姨甥外遊嘅蔡海偉,發現新加坡主題公園食肆嘅男洗手間,設有較矮小嘅企廁和洗手盆,方便兒童使用,這類兒童設施在外國亦很普遍。日本中部的二見海洋館更針對兒童成長概念設計,小童隨意與巨型海象和海豚親近。

第一手消息請下載on.cc東網iPhone/iPad/Android/Windows Phone Apps