政壇：黨徽似ATV台徽 唔老利

新思維嘅黨徽以藍色同綠色為主，並由兩條弧線交叉而成。狄志遠話，為免黨徽被二次創作，所以要清楚向大家解說，兩條高低起伏嘅弧線，代表兩種思路同意見，兩條各走極端嘅線最終相遇，代表和而不同、求同存異。佢又透露，創作者係一名90後嘅年輕人，佢稱呼對方為A小姐，感謝對方免費設計咗呢個黨徽。

新思維將喺明年一月舉辦第一屆會員大會同籌款晚會。狄志遠話佢哋嘅目標係籌得三百多萬元運作費用，現時僅籌得一百多萬元，雖然同目標仍有一段距離，但佢有信心可以達標。佢又強調該黨唔會接受來歷不明同具爭議性嘅捐款，唔想因捐款而引發政治風波，由於現時仍然未開始公開募捐，所以暫時只有相熟人士捐款。