政壇：龐寵貽囡囡 有運動細胞
「鋼鐵大王」龐鼎元孫女龐寵貽尋日以主辦機構代表嘅身份，出席國際三項鐵人賽記者會，問到今年會唔會落場參加時，佢話：「唔會，我搞比賽，好難自己都落場，因為好多嘢要幫手。」咁(係)市區搞，唔參加會唔會可惜？佢就話：「唔會，叫咗好多奧運精英參加，好開心水準每年上升。」
龐寵貽（圖）話女兒曾參與水陸兩項賽事，可以話係遺傳咗佢嘅運動基因。
龐寵貽又透露，二十一歲嘅女兒同十七歲嘅兒子喺外國升學，女兒曾參與水陸兩項嘅比賽，佢話：「佢（女兒）有練開水。都係遺傳咗我嘅運動基因，但我無刻意栽培佢，亦唔係話想佢做運動員。」問到會唔會掛住兒女？佢話唔會，因為仔女都長大獨立，自己亦忙於搞比賽，年頭忙到年尾，致力發展運動。
