「3香港」固網長期失靈 客戶怒撤合約
涉提供電訊服務失誤，「3香港」累客戶生意大跌一半！上水一間銷售飲水機的公司去年底開始使用「3香港」商業固網電話服務，惟半年來不時無法接收電話，招致生意損失。事主向「3香港」投訴，但對方竟賴客人「條線有問題」，直至東方報業集團介入，「3香港」始派人檢查大廈機房，發現是其提供的機器故障，客戶其後主動要求取消服務。立法會議員批評，相關電訊商服務質素參差，管理不善。
「3香港」服務不時被顧客投訴。
「我哋公司七條熱線都成日打唔通，搞到啲客打唔到嚟訂貨！個個星期都打去（3香港）投訴，真係好忟，投訴完仲要冇乜改善！」林小姐於上水一間銷售飲水機的公司工作，靠七條電話熱線及一部傳真機接受客戶訂購，她坦言「靠晒部電話做生意」，但自今年年頭公司轉用「3香港」的固網電話服務開始，半年來經常出現電話無法接通情況，嚴重影響公司業務，「平時每日會收到二、三百個電話，但用咗3香港後，時不時電話（故障）半日冇響過，損失一半生意！」
一度卸責客戶線路問題
就電話服務不穩問題，林曾多次向「3香港」反映，雖獲安排師傅上門檢查，但不久又故障重現，問題根本從沒解決，「我哋成日問係咪佢哋啲系統或者啲線有問題，叫佢哋檢查吓，但佢反而問番我哋轉頭，話係咪我哋自己啲線有問題。根本就唔重視啲客，冇積極處理過件事！」
林不滿「3香港」處事敷衍，漠視客戶需要，直至「同東方投訴後，佢哋終於肯搵個人再上嚟睇睇，結果檢查到大廈機房，先話係佢哋自己部機有問題。」林亦直言「（3香港）服務咁差，搞到我哋咁火滾，以後唔會用！」林隨即要求取消服務合約。
回應稱已派員檢查維修
「3香港」所屬的香港和記電訊發言人承認，於今年初曾接獲林小姐反映公司電話線路未能連接，其時已即時派員跟進，服務亦已即時回復正常；至今年七月再接獲林小姐反映服務出現故障，公司亦已派員到林小姐公司進行詳細檢查及維修，服務已回復正常，並且已應林的要求取消七條聲訊電話線的合約。
消委會去年接獲三萬一千多宗投訴，創近五年新高，當中投訴榜首是電訊服務，佔投訴個案三成七。
