愛協小花 瞓身捐渠救貓B
【本報訊】 三個月大貓B困坑渠，愛協小花「瞓身」相救。昨晨十一時許，一隻約三個月大的雄性虎紋貓B，受困於屯門鄉事會路近楓樹窩路迴旋處路邊的去水渠內，發出呼叫，途人聞聲報警。警方到場確定有貓被困水渠內，惟石屎渠蓋太重，召消防員到場協助揭開。豈料貓B受驚，愈走愈入，至渠中另一個直徑約六吋暗渠內，無計可施下，警方遂通知愛護動物協會。
救出小花貓後，愛協女職員呵護照顧。
愛協女職員瞓身捐渠救貓。
愛協派出一名樣子甜美的年輕女職員與一名男職員到場，他們以貓糧放在暗渠口作餌，再在旁放索帶，嘗試引貓B走出捉住，惟苦候多時牠卻無動於衷。
扮貓叫引出渠口
女職員其後為救貓B不惜「瞓身」趴在渠口扮貓叫，成功將牠引出渠口邊，再伸手入內將其捉住，整個救貓過程近一小時，貓B事後被帶返愛協。「瞓身」女職員事後雖滿身污泥，但對成功救貓感開心，並讚貓B「好靚仔」。愛協指該貓無表面傷痕，將由獸醫作進一步檢查。
