城中鏡：馮詠儀生活平衡瓣瓣掂
事業女性做咗媽咪之後，工作會唔會受影響？馮國經長女馮詠儀（Sabrina）就似乎冇壓力，身為服飾王國嘅千金，Sabrina早前生完BB，復出即刻令人眼前一亮，事關佢竟然瘦咗一個大圈，一身簡單利落嘅西褲套裝，一樣咁幹練。早排由利邦轉咗去馮氏零售做執董，但利邦入面嘅職位，都只係由執董變咗非執董，工作冇少到噃，佢解釋依家工作更加開心，因為管理嘅零售業務會睇埋利邦同集團其他零售品牌，變相好似照顧埋其他「仔女」咁。
馮詠儀為自己的生活找到平衡之道，瓣瓣都兼顧到。
會唔會忙咗好多？Sabrina話，陪屋企人最緊要嘅唔係時間長短，而係質素，依家大家都好珍惜彼此相處嘅時間，反而關係變得更好。至於咁快收身，佢就認為，肥瘦都好，健康最緊要，平時佢做好多戶外運動，又會練瑜伽，難怪身段咁Fit喇。
講到近期世衞將加工肉類列為有安全隱憂嘅食品，Sabrina原來早就戒咗食呢類食物，工作、家庭及生活都搵到「平衡」之道，抵佢容光煥發嘅。
