香港中華廠商聯合會會長李秀恒（Eddy）係本地鐘錶商，鍾意收藏鐘錶係好多人都知嘅事，但原來佢仲好鍾意鑑賞古董，依家已經收藏唔少古玩及傢俬，而且深諳箇中投資之道添！

李秀恒癡迷古董，右方上下圖為部分珍藏。

官窰瓷器

明朝家具

Eddy其實最迷嘅係歐洲嘅古老大鐘，但係收藏過程中，佢發現大鐘有個大難題，就係機器老化易損壞，最終只能變成一件擺設品。跟住佢就開始收藏其他古玩藝術品，好似官窰瓷器同明朝家具等。依家佢屋企擺咗好多古玩，早前我哋應邀去佢屋企，當日係落雨天，入屋梗係擺好把遮先喇，但遮架已經嚇人一驚，因為係一個價值數百萬元、近腰高嘅青花大罎，仲要係外國領事館擺放過嘅一件古董嚟！

古董都隨便放，唔驚會浪費咩？佢話：「唔整爛佢，佢嘅價值就永遠存在。」玩古董有呢個境界，難怪香港大學校友講座搵咗Eddy做嘉賓，下周二講吓有關古董鑑賞同投資竅門。

第一手消息請下載on.cc東網iPhone/iPad/Android/Windows Phone Apps