「個站明明喺最前，又泊滿晒車，點解要人哋行去後面上另一架車？行過去嗰陣條隊都散晒啦，有啲人如果見唔到咪又要等多一班車？」陳先生早前於黃大仙竹園邨巴士總站輪候九巴11K時，發現站頭雖已停泊巴士，惟車長未有開出停泊於站頭的巴士，反而開出另一架泊於後方的巴士，不滿安排令輪候乘客無所適從。

有乘客反映九巴11K線巴士未有於站頭上客。

九巴發言人稱，因車務運作需要，部分巴士或需在等候開出服務乘客前，在總站月台內暫時停泊，已提醒該站外勤人員需指示車長盡量把巴士停泊在所屬站頭上客及開出，如有需要，亦應帶領乘客到巴士停泊位置上車，確保乘客安全。

陳先生促九巴正視問題，確保巴士於站頭開出，「你整得個站頭，如果吓吓都唔喺個站開出，咁個站整嚟做乜？」