SUN搞作：SUN官場現形記：評估唔得掂
教育局局長吳得掂縱橫官場，自問禮義廉一絕，以為天下無敵之際，偏偏就遇上對手─財政司司長鬍鬚曾。
鬍鬚曾︰兄弟，你呢排就威，TSA單嘢真係全城熱話。
吳得掂︰TSA無問題；教育局都無問題，個問題係……
鬍鬚曾︰個問題係唔通係你？
吳得掂︰你咪亂講，個問題係操練文化！
鬍鬚曾︰哦，咁考試要操練都好正常啫。
吳得掂︰我重申TSA唔係考試，係評估。
鬍鬚曾︰既然係咁，點解唔搵我呢？
吳得掂︰搵你？又關你事？
鬍鬚曾︰「評股」喎，一聽就知關財經事，優質股我一眼就睇得出，點可以唔搵我？
